ქალთა მიმართ და ოჯახში ძალადობა

შსს: დავაკავეთ კაცი, რომელმაც ცოლს დანით რამდენიმე ჭრილობა მიაყენა და მიიმალა

0 კომენტარი
ფოტო: www.geo.tv

საქართველოს შინაგან საქმეთა სამინისტროს ინფორმაციით, დააკავეს კაცი, რომელმაც ცოლს დანით რამდენიმე ჭრილობა მიაყენა და მიიმალა.

"გამოძიებით დადგინდა, რომ ალკოჰოლის ზემოქმედების ქვეშ მყოფმა ე.ს.-მ მიმდინარე წლის 28 ივლისს, ოჯახური კონფლიქტის დროს, მეუღლეს - 1969 წელს დაბადებულ მ.ო.-ს დანით რამდენიმე ჭრილობა მიაყენა და მიიმალა. შესაბამისი სამედიცინო დახმარების გაწევის შედეგად, დაზარალებული ქალის სიცოცხლეს საფრთხე არ ემუქრება", - ამბობენ შსს-ში.

მათივე ინფორმაციით, სამართალდამცველებმა ბრალდებული მომხდარი ფაქტიდან რამდენიმე საათში, ახმეტაში დააკავეს.

შსს-ში ასევე აღნიშნავენ, რომ მის მიმართ წარსულში შემაკავებელი ორდერის გამოცემის ფაქტი არ ფიქსირდება.

დაკავებულია 1956 წელს დაბადებული კაცი, ე.ს. გამოძიება საქართველოს სისხლის სამართლის კოდექსის 11'-19-109-ე მუხლის მე-2 ნაწილის "ვ" ქვეპუნქტით გათვალისწინებული დანაშაულის ნიშნებით მიმდინარეობს და 13-დან 17 წლამდე ვადით თავისუფლების აღკვეთას ითვალისწინებს.

ახალი ვიდეო მეტი ვიდეო

ლევან ბერძენიშვილი

კომენტარები