უკრაინის საპარლამენტო არჩევნები 2019

ზელენსკიმ 254 პარლამენტარი კიევის ეკონომიკის 1 კვირიან საზაფხულო სკოლაში გააგზავნა

0 კომენტარი
ფოტო: Kyiv Post

უკრაინის პრეზიდენტმა ვოლოდიმირ ზელენსკიმ მისი პარტიიდან "ხალხის მსახური" 254 ახლადარჩეული პარლამენტარი 1 კვირიან საზაფხულო ეკონომიკის სკოლაში გააგზავნა.

ახლადარჩეული პარლამენტარები კიევიდან 590 კილომეტრის მოშორებით, ტრუსკავეცის მინერალური წყლის კურორტზე ხუთვარსკვლავიან სასტუმროში Rixos Prykarpattya 29 ივლისიდან 4 აგვისტოს ჩათვლით ერთ კვირიან ტრენინგ-კურსს ესწრებიან. ადგილობრივი მედიიდან ვიგებთ, რომ 254 პარლამენტიდან "თითქმის ყველა მივიდა". კურსის ჩასატარებლად პარტიამ ქვეყნის ერთერთი წამყვანი ბიზნეს სკოლის, კიევის ეკონომიკის სკოლის (KSE) წარმომადგენლები დაიქირავა.

კურსი 1 კვირის მანძილზე ყოველდღე 6 სესიას მოიცავს, რაც დილას 7:30 საათზე იწყება და საღამოს 9:30 საათზე სრულდება. მონაწილეები 8 ჯგუფად დაყვეს. 

კურსის კურიკულუმი მოიცავს სხვადასხვა საგნებს - კრიზისული კომუნიკაციები, საჯარო პოლიტიკა, კანონმდებლობის შემუშავება, ეკონომიკა, ინფრასტრუქტურა, უსაფრთხოება, თავდაცვა და სხვ.

"ჩვენ მათ ბიზნეს სკოლის მოდელის მიხედვით ვავარჯიშებთ," - კიევის ეკონომიკის სკოლის პრეზიდენტმა მილოვანოვმა ჟურნალისტებს განუცხადა. მისი თქმით, ყველაზე რთული სესია 31 ივლისსა და 1 აგვისტოს ჩატარდა, როდესაც სტუდენტებს ეკონომიკის სხვადასხა სექტორი შეასწავლეს. მონაწილეებს ალკოჰოლის თავიდან არიდება და საღამოს ადრე დაძინებაც მოეთხოვებათ. 

ფოტო: Independent

აღსანიშნავია, რომ აღნიშნული 254 პარლამენტარიდან აქამდე არცერთს უმუშავია პარლამენტში. ჯამში ახლადარჩეული პარლამენტარების 80%-ს აქამდე პარლამენტში მუშაობის გამოცდილება არ ჰქონია, მათი საშუალო ასაკი 41 წელია.

ყოფილმა პრეზიდენტმა პეტრო პოროშენკომ Ukrainska Pravda-სთან ინტერვიუში თქვა, რომ შეუძლებელია ახალ კანონმდებლებს ასეთ მოკლე ვადაში ერთდროულად ხმის მიცემის გარდა რამე ასწავლო.

პრეზიდენტ ზელენსკის პარტიამ "ხალხის მსახური" ხმათა 43.16% მიიღო. მას მოსდევს პრორუსული ოპოზიციური პლატფორმა "სიცოცხლისთვის" 13.05%-ით. ყოფილი პრემიერმინისტრის იულია ტიმოშენკოს პარტიას "მამული" - 8.18% აქვს, ყოფილი პრეზიდენტის პეტრო პოროშენკოს პარტიამ "ევროპული სოლიდარობა" კი 8.10% აიღო. ახლადშექმნილმა პარტიამ "ხმა" - 5.80%. 

არჩევნებზე მოსახლეობის აქტიურობა ისტორიაში ყველაზე დაბალი - 49.2% იყო. მაჩვენებელი 2014 წელს - 51.9%, 2012 წელს - 57.5%, ხოლო 1994 წელს - 51.9% იყო.

1998 წლის შემდეგ უკრაინის საპარლამენტო არჩევნებზე პარტიამ "ხალხის მსახური" ყველაზე დიდი მხარდაჭერა მიიღო. "ხალხის მსახური" რადას ისტორიაში ყველაზე დიდ ფრაქციას შექმნის.

ახალი ვიდეო მეტი ვიდეო

თურქეთიდან საქართველოში 508 აბი სუბუტექსის შემოტანისთვის თბილისის აეროპორტში 1 პირი დააკავეს

კომენტარები