რუსეთი

სოციალურ ქსელში მოსკოვის აქციების დარბევაში მონაწილე პოლიციელებს დასცინიან [გალერეა]

0 კომენტარი

სოციალურ ქსელში მოსკოვის აქციების დარბევაში მონაწილე პოლიციელებს დასცინიან. 

რუსეთის პოლიციის სპეციალურმა დანაყოფმა OMON, იგივე სპეცრაზმმა მოსკოვში 27 ივლისისა და 3 აგვისტოს გამართულ აქციებზე, მომიტინგეები და უბრალოდ გამვლელებიც კი, ათასზე მეტი ადამიანი დააკავა. 

რუსულ სოციალურ ქსელში Telegram ერთერთი უცნობი ანგარიშიდან (FeeOmonBot) ფოტოშოპით დამუშავებული სატირული სურათები გავრცელდა.

დამოუკიდებელი კანდიდატები მოსკოვში 14 ივლისიდან საპროტესტო აქციებს მართავენ, რათა ისინი მოსკოვის საკრებულოს არჩევნებზე დაუშვან. მოსკოვის ცენტრალური საარჩევნო კომისიის ოფისთან გამართული აქციის შემდეგ საგამოძიებო კომიტეტმა საარჩევნო კომისიის საქმიანობაში ხელის შეშლის მუხლით გამოძიება დაიწყო. 

27 ივლისს აქცია მოსკოვის მერიასთან გაიმართა, რომელიც ადგილობრივ ხელისუფლებასთან შეთანხმებული არ იყო. ის პოლიციამ და რუსეთის გვარდიამ ძალადობრივად დაშალა. საერთო ჯამში სამართალდამცავი ორგანოების წარმომადგენლებმა 1 300-ზე მეტი ადამიანი დააკავეს, მათ შორის ოპოზიციური პოლიტიკოსები და ჟურნალისტები. 27 ივლისის აქციაზე პროკურატურამ საქმე პოლიციელებისადმი ძალის გამოყენების მუხლით აღიძრა. ამ დროის მონაცემებით, გამამტყუნებელი განაჩენი აქციის 5 მონაწილის მიმართაა გამოტანილი. 

მოსკოვის პროკურატურამ 3 აგვისტოს დაგეგმილი აქციის ორგანიზატორები გააფრთხილა და მათ მოუწოდა, რომ კანონის დარღვევა დაუშვებელია. პოლიციამ 3 აგვისტოს აქციაც ძალადობრივად დაშალა. ODV-ის მონაცემებით 1002 პირი დააკავეს.

 

ახალი ვიდეო მეტი ვიდეო

შსს-მ 10 შეკვრა ჰეროინი ამოიღო და ნარკოდანაშაულისთვის 5 პირი დააკავა (ვიდეო)

კომენტარები