კანადაში მიმდინარე როჯერსის თასის ტურნირზე ქართველმა ჩოგბურთელმა ნიკოლოზ ბასილაშვილმა მეორე გამარჯვება მოიპოვა. მან სამ სეტში ანგარიშით 2:6, 6:2, 6:3 გერმანელი იან-ლენარდ შტრუფი დაამარცხა.
მანამდე ბასილაშვილმა სერბ დუშან ლაიოვიჩს ასევე სამ სეტში ანგარიშით 3:6, 6:4, 6:4 მოუგო.
შემდეგ შეხვედრაში ქართველი ჩოგბურთელი მსოფლიოს მეექვსე ჩოგანს, გერმანელ ალექსანდრ ზვერევს დაუპირისპირდება.
ბასილაშვილმა ზვერევი გასულ თვეს ჰამბურგის ტურნირის ნახევარფინალში დაამარცხა.
ამჟამად ის მსოფლიო რეიტინგში მეთექვსმეტე ადგილს იკავებს.