იაპონიაში ძლიერ სიცხეს ბოლო კვირის განმავლობაში 23 ადამიანი ემსხვერპლა, ხოლო 12 751 ჰოსპიტალიზებულია. ამის შესახებ japantimes ქვეყნის სახანძრო-სამაშველო სამსახურზე დაყრდნობით წერს.
სტატისტიკა 5-11 აგვისტოს მონაცემებს შეადგენს.. ამ დღეების განმავლობაში ქვეყანაში ტემპერატურამ 39 გრადუსს მიაღწია. ჰოსპიტალიზაციის მაჩვენებლით ტოკიო ლიდერობს, სადაც 1500-მდე ადამიანი მოათავსეს.
29 ივლისიდან 4 აგვისტომდე სამედიცინო დახმარება 18 347 ადამიანს დასჭირდა.
დაახლოებით 400 პაციენტს ისეთი სიმპტომები აღმოაჩნდათ, რომელთა მკურნალობას 3 კვირა სჭირდება. დანარჩენ 4 554 ადამიანს კი რეაბილიტაციისთვის შედარებით ნაკლები დრო დასჭირდება.
დაზარალებულების 54.9 პროცენტის ასაკი 65 წელია, ან მეტი.
ექსპერტების თქმით, უჩვეულო სიცხე იაპონიაში რამდენიმე კვირა კიდევ გაგრძელდება.
