15 აგვისტოს რუსეთში მოსკოვთან ურალის ავიახაზების თვითმფრინავი A321, რომელშიც 233 ადამიანი იმყოფებოდა, აფრენიდან რამდენიმე წუთში სიმინდის ყანაში ავარიულად დაეშვა. ავიახაზების ინფორმაციით, ავარიულად დაშვების მიზეზი თვითმფრინავის ძრავაში მოყოლილი ფრინველები იყო.
Tass-ის ინფორმაციით, დაშავებულია 55 ადამიანი, მათ შორის 17 ბავშვი. 6 ადამიანი, აქედან 5 ბავშვი საავადმყოფოში გადაიყვანეს. Interfax-ის ინფორმაციით, ერთი მგზავრი სერიოზულად დაშავდა.
რუსეთის სამოქალაქო ავიაციის სპიკერის ელენა მიხეიევას თქმით, თვითმფრინავის ძრავა გამორთული იყო მაშინ, როდესაც თვითმფრინავი დაეშვა.
"აფრენიდან 5 წამის შემდეგ მარჯვენა მხარეს შუქი აინთო და დამწვრის სუნი იგრძნობოდა. შემდეგ დავეშვით და ყველა გაიქცა," - განაცხადა ერთერთმა მგზავრმა სახელმწიფო ტელევიზიაში.
მომხდარზე დაწყებულია გამოძიება.
თვითმფრინავი რუსეთის მიერ ანექსირებული ყირიმის ქალაქ სიმფეროპოლში მიფრინავდა.