მამუკა ხაზარაძის მიერ დაფუძნებულ საზოგადოებრივ მოძრაობას "ლელო" ერქმევა. ამის შესახებ ბიზნესმენმა ანაკლიაში გამართულ პრეზენტაციაზე თქვა.
"ჩვენ დღეს ვაფუძნებთ მოძრაობას. მოძრაობას, რომელსაც ექნება გუნდურობის, ექნება მიზნების მიღწევის, ექნება სიყვარულის, ერთობის, საქართველოს გამარჯვებაზე ორიენტირებული მიზანი და ამ მოძრაობას ერქმევა "ლელო", - თქვა მამუკა ხაზარაძემ.
დღეს, 12 სექტემბერს, მამუკა ხაზარაძემ ანაკლიაში საზოგადოებრივი მოძრაობის პრეზენტაცია გამართა.
