ინგლისში, ბლენჰეიმის სასახლიდან 18-კარატიანი ოქროს უნიტაზი, სახელად "ამერიკა", მოიპარეს.
სამართალდამცავებმა უნიტაზის ადგილმდებარეობას ჯერ-ჯერობით ვერ მიაგნეს, თუმცა ძარცვაში ეჭვმიტანილი, 66 წლის მამაკაცი, დააკავეს.
უნიტაზის მოპარვამ შესამჩნევი ზარალი და დატბორვა გამოიწვია, რადგან ბლენჰეიმის სასახლეში მას დამთვალიერებლები იყენებდნენ. გამოფენის დამთვალიერებლებს 3 წუთის განმავლობაში შეეძლოთ, ძვირფასი ტუალეტით ესარგებლათ.
ოქროს ძვირფასი უნიტაზი იტალიელმა ხელოვანმა, მაურისიო კატელანამ შექმნა და მისი გამოფენის ნაწილი იყო.
აღსანიშნავია, რომ 2017 წელს "ამერიკა" დონალდ ტრამპს შესთავაზეს. აშშ-ის პრეზიდენტმა მუზეუმისგან ვან გოგის ნახატი თეთრ სახლში გამოფენის მიზნით ითხოვა, თუმცა მას უარი განუცხადეს და სანაცვლოდ ოქროს უნიტაზი შესთავაზეს.
ფოტო: BBC
