კიანუ რივზმა თავისი დის მიერ გადაღებული ფილმის პრემიერაზე ჟურნალისტების კითხვებს მატრიცას მეოთხე ნაწილის შესახებ მოკლედ უპასუხა.
როგორც აღმოჩნდა, მსახიობს ფილმის სცენარი უკვე წაკითხული აქვს.
"ეს [მეოთხე ნაწილი] ძალიან ამბიციურია, ისეთი როგორიც უნდა იყოს", - თქვა კიანუ რივზმა.
ჟურნალისტებმა მას სხვა კითხვებიც დაუსვეს, თუმცა მსახიობმა მათ პასუხები არ გასცა, რადგან ყურადღების ცენტრში მისი დის, კარინა მილერის ნაცვლად თავად არ აღმოჩენილიყო.
"ეს ჩემი წითელი ხალიჩაა", - თქვა ხუმრობით კარინა მილერმა ჟურნალისტებთან.
მან ასევე კიანუ რივზზეც გააკეთა კომენტარი.
"ის ჩემი საქმეების მუდმივი მხარდამჭერი და დამცველია, ამას ყოველთვის გავითვალისწინებ და დავაფასებ", - თქვა მან.
მატრიცას მეოთხე ნაწილის გადაღება ოფიციალურად აგვისტოში დადასტურდა. ფილმის სცენარისტი და რეჟისორი ისევ ლანა ვაჩოვსკი იქნება, ნეოს და თრინითის როლებს კი კვლავ კიანუ რივზი და კერი-ენ მოსი შეასრულებენ. მეოთხე ნაწილს Warner Bros. და Village Roadshow Pictures გადაიღებენ.
ჯერჯერობით უცნობია როდის დაიწყება ფილმის გადაღებები, არსებობს ინფორაცია რომ ეს 2020 წელს მოხდება.