რუსეთი

რუსეთში ბინის აივანზე მოწევა აკრძალეს

0 კომენტარი
ფოტო: GETTY IMAGES

რუსეთში გადაუდებელ სიტუაციათა სამსახურის სამინისტროს გადაწყვეტილებით, საცხოვრებელი ბინის აივნებზე, საერთო საცხოვრებელში და სასტუმროებში ცეცხლის ანთება იკრძალება.

ახალი კანონი ძალაში 1-ლ ოქტომბერს შევა.

მაღალჩინოსანთა ინფორმაციით, ეს ასანთის ანთებას, სიგარეტისთვის ცეცხლის წაკიდებას, ბარბექიუს შეწვას და სანთლის ანთებასაც გულისხმობს.

კანონდარღვევის შემთვევაში ჯარიმა 3 000 რუბლამდე იქნება, ხოლო იმ შემთვევაში თუ აივანზე დატოვებულმა ანთებულმა სიგარეტმა ხანძარი გამოიწვია, შესაძლოა, ეს სისხლის სამართლის დანაშაულად კვალიფიცირდეს.

ინტერნეტში ახალ კანონს კრიტიკული გამოხმაურება მოჰყვა - "რა საჭიროა აივანი თუ იქ მოწევას ვერ შეძლებ?"; "მთავრობამ ხალხს თავიანთი საკუთრების გამოყენება აუკრძალა".

რუსეთში მწეველთა უფლებების მოძრაობის ხელმძღვანელმა ანდრეი ლოსკუტოვმა განაცხადა, რომ "მათ ყველგან აკრძალეს, სადაც შეეძლოთ. ახლა გაახსენდათ, რომ აივნებიც დარჩათ".

 

ახალი ვიდეო მეტი ვიდეო

ლევან ბერძენიშვილი

კომენტარები