ზუგდიდის მუნიციპალიტეტში, სოფელ ნაწულუკუში ავტოსაგზაო შემთხვევა მოხდა. როგორც ტაბულას შინაგან საქმეთა სამინისტროს უთხრეს, შემთხვევის შედეგად ერთი ადამიანი გარდაიცვალა, ხოლო სამი დაშავდა.
ინტერპრესნიუსის ცნობით, 3 დაშავებულიდან 2-ის ჯანმრთელობის მდგომარეობა მძიმეა.
უწყების ინფორმაციით, აღნიშნულთან დაკავშირებით გამოძიება 276-ე მუხლის მე-6 ნაწილით მიმდინარეობს, რაც ავტოსატრანსპორტო საშუალების მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.