საქართველოს ეროვნული ბანკის ინფორმაციით, ფინანსთა სამინისტრომ სახაზინო ობლიგაციების აუქციონზე დღეს 70 მილიონი ლარის ღირებულების ფასიანი ქაღალდები გაყიდა.
ფასიანი ქაღალდების ვადიანობა 2 წელიწადს შეადგენს.
ეროვნული ბანკის ცნობით, აუქციონში ოთხი კომერციული ბანკი მონაწილეობდა და მოთხოვნამ 124 605 000 ლარი შაედგინა.
მინიმალური საპროცენტო განაკვეთი 9% იყო, მაქსიმალური 9.5%, ხოლო საშუალო შეწონილი - 9.281%.
კუპონური საპროცენტო განაკვეთი 6.750%-ია. კუპონის გადახდა წელიწადში ორჯერ, ყოველ ექვს თვეში მოხდება.