პარტია ევროპული საქართველო პარლამენტის პლენარულ სხდომებს პოლიტიკურ ბოიკოტს უცხადებს.
შეკითხვაზე, რა არის პარტიის მიერ ბოიკოტის გამოცხადების მიზეზი, დეპუტატი ელენე ხოშტარია პასუხობს, რომ ქართული ოცნების ლიდერმა, ბიძინა ივანიშვილმა, საპარლამენტო ცხოვრება გააუქმა და ეს აღარ იყო პარლამენტი - "ეს იყო სპექტაკლი, მონობა და მორჩილება, რომელიც შეუსრულეს ბიძინა ივანიშვილს".
პარტიის წევრმა ირაკლი აბესაძემ ინტერპრესნიუსთან ინტერვიუში აღნიშნა, რომ საზოგადოების მოტყუებითა, გადაგდებით და ხელისუფლების მიტაცებით გამოწვეული მწვავე პროტესტის სიტუაციაში ჩვეულებრივ რეჟიმში საპარლამენტო ცხოვრება ვერ გაგრძელდება:
"ჩვენ არ ვართ ივანიშვილის ქართული ოცნების წარმომადგენლები, რომლებიც დღეს ცდილობენ თავი მოიტყუონ, თითქოს არაფერი ხდება, თითქოს ბიუჯეტზე საუბრობენ და ეს არის უფრო მნიშვნელოვანი, ვიდრე საზოგადოების ძალიან სამართლიანი მოთხოვნის დაკმაყოფილება, რაც უკავშირდება პროპორციული სისტემით არჩევნების ჩატარებას. სანამ არ მივაღწევთ ხელისუფლების მხრიდან გონივრული ნაბიჯების გადადგმას და სანამ არ გამოიკვეთება, როგორ ჩატარდება პროპორციული არჩევნები ამ ქვეყანაში, ჩვეულებრივ რეჟიმში საპარლამენტო ცხოვრებაში მონაწილეობას არ მივიღებთ".
მისივე თქმით, ევროპული საქართველოს დეპუტატები პლენარულ სხდომებს, მათ შორის, 2020 წლის ბიუჯეტის განხილვას და უზენაესი სასამართლოს მოსამართლეობის კანდიდატების დამტკიცებას, არ დაესწრებიან.
აბესაძე განმარტავს, რომ ივანიშვილის ხელში მყოფი მარიონეტების ადგილას, პარლამენტში ისინი პროცესში მონაწილეობს მიღების აზრს ვერ ხედავდნენ.
ევროპული საქართველოს ე.წ. გერმანული მოდელის საარჩევნო სისტემის ან შესაძლოა, სხვა შემოთავაზების განსახილველად, რაც არსებითად საპარლამენტო მანდატების პროპორციული საარჩევნო სისტემით განაწილებას ნიშნავს, პარლამენტის სხდომებში მონაწილეობას მიიღებს - "მაგრამ არ ვმონაწილეობთ სხდომებში, სადაც საკითხს იგნორირება ხდება და ხელისუფლება ცდილობს წაუყრუოს პროტესტს".
