IRI-ის კვლევის მიხედვით, მოსახლეობის 68% ფიქრობს, რომ 20 ივნისის აქციის დაშლისას დემონსტრანტებთან სახელმწიფომ ძალაუფლებას გადაამეტა ან ძალა გადაჭარბებით გამოიყენა.
საპირისპიროს მოსახლეობის მხოლოდ 20% ამბობს.
კვლევა, რომელიც საქართველოს მასშტაბით 11 სექტემბრიდან 14 ოქტომბრამდე პერიოდში ჩატარდა, IRI-იმ 19 ნოემბერს გამოაქვეყნა.
კვლევის ფარგლებში 1500 სრულწლოვანი რესპონდენტი პირისპირი ინტერვიუს მეთოდით გამოიკითხა. საველე სამუშაოები 11 სექტემბრიდან 14 ოქტომბრამდე პერიოდში ჩატარდა. ცდომილების სავარაუდო ზღვარი +- 2.5%-ია.