ოკუპირებულ აფხაზეთში კვირაზე მეტია, ტყეები იწვის, ცეცხლი 11 ათას ჰექტარს უკიდია
ცეცხლის კერები სოხუმში, გაგრასა და გულირიფშშია.
ხანძრის ჩასაქრობად რუსეთის საგანგებო სიტუაციების მართვის სამსახურმა თვითმფრინავები და ვერტმფრენები გაგზავნა - Бе-200, რომელსაც ერთ ჯერზე 12 ტონა წყლის ტარება შეუძლია და Ми-8, რომელიც 10 ტონა წყალს ზიდავს. მათ 40-ზე მეტჯერ გადაუფრინეს ხანძრის კერებს.
აფხაზეთის მთებში, სოხუმის უღელტეხილზე ცეცხლი 10 ნოემბერს გაჩნდა. იშვიათად მაღალი ტემპერატურის გამო ცეცხლი 10 ჰექტარზე გავრცელდა.
სინოპტიკოსები უახლოესი რამდენიმე დღის განმავლობაში წვიმას არ ვარაუდობენ.