ინფორმაციის თავისუფლების განვითარების ინსტიტუტმა (IDFI) გამოაქვეყნა კვლევა ბიუჯეტის სარეზერვო ხარჯებით პრეზიდენტის რეზიდენციისთვის შეძენილი ანტიკვარული ავეჯისა და ინტერიერის აქსესუარების შესახებ.
კვლევიდან ირკვევა, რომ ყველაზე ძვირადღირებული აქსესუარი 59 ათას დოლარიანი მე-19 საუკუნის რუსული ჭაღი.
ჯამში რეზიდენციისთვის მხოლოდ ჭაღების შესაძენად 133 ათას დოლარზე, შესაბამისად, 391 ათას ლარზე მეტი დაიხარჯა.
ათონელის რეზიდენციის ანტიკვარიატით მოსაწყობად ბიუჯეტიდან სულ 2 174 783 ლარი დაიხარჯა.
აქედან, 1 199 558 ლარი დაიხარჯა ანტიკვარული ავეჯისა და ინტერიერის აქსესუარების შეძენაზე, 255 000 ლარი ანტიკვარიატის რესტავრაციაზე, ხოლო 720 225 ლარი თანამედროვე ავეჯისა და აქსესუარების შეძენაზე.