ევროპული საქართველოს პოლიტსაბჭოს წევრის, თამარ კაკაბაძის, თქმით, საპატრულო პოლიციამ პარტიის მანქანა გაიტაცა, სადაც აქციისთვის საჭირო ნივთები იდო.
"მანქანაში მყოფი ადამიანების მობილურები გათიშულია,"- წერს კაკაბაძე.
ტაბულა ინფორმაციას შინაგან საქმეთა სამინისტროში გადაამოწმებს და ინფორმაციას მიღებისთანავე შემოგთავაზებთ.
25 ნოემბერს 19:00 საათზე პარლამენტთან მასშტაბური აქცია და პიკეტია დაგეგმილი, რომლის ერთერთი ორგანიზატორიც, სხვა პარტიებთან და სამოქალაქო მოძრაობებთან ერთად, ევროპული საქართველოცაა.