გარემოს ეროვნული სააგენტოს ინფორმაციით, 25-26 ნოემბერს საქართველოში შენარჩუნდება უნალექო ამინდი. ზოგან იქროლებს აღმოსავლეთის მიმართულების ძლიერი ქარი.
27-28 ნოემბერს საქართველოს ზოგიერთ რაიონში მოსალოდნელია მცირე წვიმა, მაღალმთაში თოვლი. ჰაერის ტემპერატურა დღის საათებში დასავლეთ საქართველოს დაბლობში +14, +19, ხოლო აღმოსავლეთ საქართველოს ბარში +8, +13 გრადუსი იქნება.
სინოპტიკოსები თბილისში უნალექო ამინდს ვარაუდობენ. ჰაერის ტემპერატურა 25-26 ნოემბერს +7, +9 გრადუსია მოსალოდნელი, ხოლო 27-28 ნოემბერს +12, +14 გრადუსამდე მოიმატებს.
