ინფლაცია

თურნავა: ინფლაციის შესაკავებლად ისეთ ნაბიჯებსაც ვდგამთ, რაც ეკონომიკურ ზრდას აფერხებს

საქართველოს მთავრობა

ეკონომიკისა და მდგრადი განვითარების მინისტრი ნათია თურნავა ამბობს, რომ მთავრობასა და ეროვნულ ბანკს ინფლაციის შესაკავებლად არაპოპულარული ნაბიჯების გადადგმა უწევს, რაც ეკონომიკურ ზრდაზე უარყოფითად მოქმედებს.

"ჩვენი ეკონომიკური პოლიტიკა და მათ შორის, ეროვნული ბანკის ბოლოდროინდელი პოლიტიკა მთლიანად არის გადაწყობილი იმაზე, რომ შევაკავოთ ინფლაციური პროცესები და ეროვნული ბანკი ამას ადეკვატურად პასუხობს.

ზოგჯერ ისეთ არაპოპულარულ ნაბიჯებზეც მივდივართ, რომლებიც, თავის მხრივ, ეკონომიკური ზრდის შემაკავებელიც კი არის. ამავდროულად, ჩვენ ავამოქმედეთ ეკონომიკური ზრდის წახალისების სხვა ბერკეტები, როგორიც არის პრივატიზაცია, წიაღის რეფორმა, დასაქმების ხელშეწყობა და ა.შ." - ამბობს ეკონომიკის მინისტრი.

საქსტატის მიხედვით, 2019 წლის ნოემბერში წლიური ინფლაციის დონე 7%-ს გაუტოლდა. პური 11.9%-ით გაძვირდა, ხორცი 13.1%-ით, რძის პროდუქტები 15.4%-ით.

ეროვნული ბანკი ინფლაციისა და ლარის გაუფასურების საწინააღმდეგოდ ბოლო თვეებია მკაცრ მონეტარულ პოლიტიკას მიმართავს. უწყებამ შემოდგომაზე სამჯერ გაზარდა რეფინანსირების განაკვეთი, ჯამში 1.5%-ით.

კომენტარები