ჭავჭავაძის გამზირის რეაბილიტაცია

8 დეკემბრიდან 8 იანვრამდე ჭავჭავაძის გამზირის რეაბილიტაცია დროებით შეჩერდება

0 კომენტარი

დედაქალაქის მერი კახა კალაძე ჭავჭავაძის გამზირზე გზის დახაზვის სამუშაოებს გაეცნო. ამის შესახებ ინფორმაციაც მერიის პრესსამსახური ავრცელებს. 

"დედაქალაქის მერი კახა კალაძე მერის მოადგილე ირაკლი ბენდელიანთან ერთად, გვიან ღამით ჭავჭავაძის გამზირზე იმყოფებოდა, სადაც თაქთაქიშვილის ქუჩიდან უნივერსიტეტის პირველ კორპუსამდე გზის გამყოფი ხაზების, საგზაო მონიშვნებისა და ქვეითთა გადასასვლელების დახაზვის სამუშაოები დაიწყო, ასევე, მოირეცხა ტროტუარები." - წერია გავრცელებულ ინფორმაციაში.

თბილისის მერის თქმით, 8 დეკემბრიდან 8 იანვრამდე ჭავჭავაძის გამზირის რეაბილიტაციის პროცესი დროებით შეჩერდება და ტრანსპორტის მოძრაობა ორმხრივად აღდგება. 8 იანვრიდან კი საგზაო სამუშაოები ვაკის პარკამდე გაგრძელდება.

მისივე თქმით, გამზირზე საგზაო სამუშოების დროებით შეჩერების გადაწყვეტილება ახალი წლის პერიოდის გამო მიიღეს, რადგან ამ პერიოდში ქალაქში ავტომანქანების მოძრაობა გადატვირთულია.

„შუქნიშნები დაიდგმება და მოძრაობა აღდგება ისე, როგორც ეს გამზირის რეაბილიტაციამდე იყო. ჩვენ გავაგრძელებთ ტოტუარების მოწესრიგებას და გამწვანების სამუშაოებს. საგზაო სამუშოები კი 8 იანვრიდან განახლდება და ვაკის პარკამდე გაგრძელდება“, - თქვა კალაძემ.

ჭავჭავაძის გამზირის რეაბილიტაცია მიმდინარე წლის მაისში დაიწყო და ამ დრომდე არ დასრულებულა. 

ახალი ვიდეო მეტი ვიდეო

შსს-მ თეთრიწყაროში 2 კილოზე მეტი ნარკოტიკი ამოიღო და ერთი პირი დააკავა

კომენტარები