გორში პრეზიდენტის ნაძვის ხის ღონისძიება ხმაურისა და დაპირისპირების ფონზე მიმდინარეობს. საკრებულოს ოპოზიციის წევრები ღონისძიებაზე სალომე ზურაბიშვილისათვის კითხვების დასასმელად მივიდნენ, თუმცა პოლიციის კორდონმა მათ პრეზიდენტთან მიახლოების საშუალება არ მისცა, რასაც შეხლა-შემოხლა მოჰყვა.
პოლიციამ გორის საკრებულოს ოპოზიციის წევრებს საკრებულოსთან მიახლოების საშუალებაც არ მისცა. პრეზიდენტი კი სცენაზე პოლიციის კორდონისა და დაცვის დახმარებით ავიდა.
"წადი წადი, " - ამ შეძახილებით დახვდნენ სალომე ზურაბიშვილს გორში, საიდანაც მას დაგეგმილი აქვს, რომ მოსახლეობას შობა მიულოცოს. ოპოზიცია ამბობს, რომ მათ შემდეგი კიტხვები აქვთ საქართველოს პრეზიდენტთან: რატომ ადანაშაულებს საქართველოს ომის დაწყებაში, რატომ შეიწყალა პოლიციის მკვლელები, რატომ არ შეიწყალა დეკანოზი მამალაძე და კიდევ სხვა მრავალი კითხვა.
"საქართველოს პრეზიდენტის ნაძვის ხე" - ასე დაანონსა ღონისძიება პრეზიდენტის ადმინისტრაციამ. პრეზიდენტმა მოსახლეობას შობა გორიდან მიულოცა.