მგზავრთნაკადი

2019 წელს საქართველოს აეროპორტებით გადაყვანილ მგზავრთა რაოდენობა 3.5%-ით გაიზარდა

0 კომენტარი
თბილისის საერთაშორისო აეროპორტი ფოტო: TAV GEORGIA

2019 წელს საქართველოს აეროპორტების მეშვეობით გადაყვანილი მგზავრების რაოდენობა 3.5%-ით გაიზარდა

სამოქალაქო ავიაციის სააგენტოს მონაცემებით, 2019 წლის განმავლობაში, საქართველოს აეროპორტები ჯამში 5 209 505 მგზავრს მოემსახურა, რაც 2018 წელთან შედარებით 3,5%-ით (176 182 მგზავრით) მეტია, 2017 წელთან შედარებით კი 27,63%-ით (1 127 787 მგზავრით) მეტი.

თბილისის საერთაშორისო აეროპორტი 2019 წელს 3 692 175 მგზავრს მოემსახურა, რაც 2018 წლეთან შედარებით, რაც 3.06%-ით (116 444 მგზავრით) ნაკლებია.

ავიაციის სააგენტო აცხადებს, რომ მგზავრთნაკადის კლება 8 ივლისიდან საქართველოს და რუსეთს შორის საჰაერო მიმოსვლის შეწყვეტით იყო განპირობებული.

ქუთაისის საერთაშორისო აეროპორტში მგზავრთნაკადი 41,51%-ით გაიზარდა. სულ გადაყვანილ იქნა 873 616 მგზავრი, რაც 2018 წელთან შედარებით 256 243 მგზავრით მეტია.

ბათუმის საერთაშორისო აეროპორტის მეშვეობით 624 151 მგზავრი იქნა გადაყვანილი, რაც 2018 წლის მაჩვენებელზე 4,22%-ით მეტია.

რაც შეეხება ადგილობრივი დანიშნულების აეროპორტებს, მესტია გასული წლის დაჯამებული მონაცემებით 8 625 მგზავრს მოემსახურა, რაც 2018 წელთან შედარებით 25,77%-ით, ანუ 1 767 მგზავრით მეტია.

ამბროლაურის აეროპორტმა 2019 წელს 1 966 მგზავრი მიიღო, რაც 2018 წელთან შედრებით 24%-ით, 384 მგზავრით მეტია.

2019 წლის განმავლობაში საქართველოს აეროპორტებში ჯამში 24 447 რეისი განხორციელდა. სამოქალაქო ავიაციის სააგენტოს ცნობით, რეისების რაოდენობამ წინა წელთან შედარებით უმნიშვნელოდ, 0,65%-ით, 159 რეისით იკლო.

უმნიშვნელო კლება დაფიქსირდა სატვირთო გადაზიდვების კუთხითაც. 2019 წელს საჰაერო გზით გადაზიდული ტვირთის მოცულობამ 24 911,336 ტონა შეადგინა, რაც 543,49 ტონით, 2,14%-ით ნაკლებია 2018 წლის მაჩვენებელზე.

ევროპის საჰაერო ნავიგაციის უსაფრთხოების ორგანიზაციის (EUROCONTROL) სტატისტიკური მონაცემებით მიხედვით, საქართველოში მომფრენი საჰაერო მოძრაობის ნაკადები 2019 წელს, 2018 წელთან შედარებით 1,9%-ით შემცირდა, გამფრენი საჰაერო მოძრაობის ნაკადები 1,7%-ით შემცირდა, ხოლო შიდა ფრენები 12,3%-ით გაიზარდა.

12,7%-იანი კლება იყო გადამფრენი საჰაერო მოძრაობის ნაკადების კუთხით, რაც პაკისტანის საჰაერო სივრცის რამდენიმეთვიანი დახურვით და აზიიდან მომავალი საჰაერო მოძრაობის ნაკადების საჰაერო სივრცის გვერდის ავლით იყო განპირობებული.

ახალი ვიდეო მეტი ვიდეო

შსს: დავაკავეთ კაცი, რომელმაც უკრაინის მოქალაქეს ფიზიკური შეურაცხყოფა მიაყენა (ვიდეო)

კომენტარები