ჯეიმს ბონდის ახალი ფილმის "No time to die"-ს სიმღერას ბილი აილიში შეასრულებს - ამის შესახებ ინფორმაცია 18 წლის მომღერლის ოფიციალურ ტვიტერზე გამოქვეყნდა.
"ბილიმ დაწერა და შეასრულებს სიმღერას ჯეიმს ბონდის 25-ე ფილმისთვის #NoTimeToDie", - წერია პოსტში.
ამ ფაქტით, ბილი აილიში ყველაზე ახალგაზრდა არტისტი გახდა, რომელმაც ჯეიმს ბონდის ფილმისთვის სიმღერა დაწერა.
No Time to Die 2020 წლის, 2 აპრილს გამოვა და მასში ჯეიმს ბონდის როლს დენიელ ქრეიგი უკანასკნელად შეასრულებს.