ეროვნულ დემოკრატიული ინსტიტუტის ცნობით, საქართველოს ეკლესიის საქმიანობას დადებითად გამოკითხულთა მხოლოდ ნახევარი აფასებს. აქედან 13% - ძალიან კარგად, ხოლო 37% - კარგად. კვლევაში მონაწილეთა 25% ეკლესიის საქმიანობას საშუალოდ აფასებს, 10% - ცუდად, 2% - ძალიან ცუდად, ხოლო 12% პასუხობს, რომ არ იცის.
აღსანიშნავია, რომ 2019 წლის ივლისში ანუ სინოდის ბოლო სხდომამდე, მართლმადიდებელ ეკლესიას "კარგად" 64 % აფასებდა.
NDI-ის დაკვეთით საველე სამუშაოები 19 ნოემბრიდან 13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევა ეყრდნობა 2,181 პირისპირ ინტერვიუს წარმომადგენლობითი შერჩევის საფუძველზე. საშუალო ცდომილების ზღვარი 1.9%-ია.
NDI-ის კვლევები დიდი ბრიტანეთის მთავრობის UK aid-ის მხარდაჭერით ფინანსდება. საველე სამუშაოები CRRC–საქართველომ ჩაატარა.
