ესპანეთში, ძლიერი შტორმის შედეგად 3 ადამიანი დაიღუპა. უკვე რამდენიმე დღეა ქვეყანაში დაბალი ტემპერატურა, ძლიერი ქარბუქი და თოვლია.
ესპანეთის ზოგიერთ პროვინციაში საგანგებო სიტუაცია გამოცხადდა. ვალენსიაში ზღვის სანაპიროზე ტალღების სიმაღლემ 8 მეტრს მიაღწია. ქარის სიჩქარემ კი 130 კმ. სთ-ს.
უამინდობის გამო დაკეტილია სკოლები, ბაღები. შეფერხებით მუშაობს ტრანსპორტი. რამდენიმე რეგიონი ელექტროენერგიის გარეშეა დარჩენილი. დაიკეტა ალიკანტეს აეროპორტი, რის გამოც 200-მდე რეისი გაუქმდა.
სინოპტიკოსები ამბობენ, რომ შტორმი "გლორია" შესაძლოა მეტად გაძლიერდეს.