თბილისის მერია

მერია აუტიზმის სპექტრის მქონე ბავშვების პროგრამას აფართოებს და კიდევ 230 ბავშვს დააფინანსებს

0 კომენტარი

თბილისის მერია "აუტიზმის სპექტრის დარღვევის მქონე ბავშვთა აბილიტაციის პროგრამას" აფართოებს და მასში დამატებით 230 ბენეფიციარს რთავს.

კახა კალაძის თქმით, მოლოდინის რეჟიმში მყოფი 230 ბავშვი პროგრამაში ეტაპობრივად, წლის ბოლომდე ჩაერთვება.

"გასულ წელს დაფინანსება 1000 ბავშვისთვის იყო გამოყოფილი, წელს მათი რიცხვი 1230-მდე გაიზრდება. შარშან ჩვენ გავზარდეთ პროგრამით მოსარგებლეთა ასაკის ზედა ზღვარი 15-დან 18 წლამდე და ამან მნიშვნელოვანი შეღავათი მისცა ოჯახებს", - თქვა კალაძემ თბილისის მთავრობის სხდომაზე.

მანვე განმარტა, რომ პროგრამის ფარგლებში ყოველთვიურად ერთი ბავშვის დასაფინანსებლად 400 ლარია გამოყოფილი.

კალაძის თქმით, პროგრამით მოსარგებლეები ასაკობრივ ჯგუფებად არიან დაყოფილი და მათ თვის განმავლობაში კომპლექსური თერაპიის 20 სეანსი უტარდებათ. ეს სეანსები მოიცავს მულტიდისციპლინური გუნდის – ფსიქოლოგის, ფსიქიატრის, ნევროლოგის, ქცევითი თერაპევტის, ლოგოპედის, სპეციალური პედაგოგისა და სხვა სპეციალისტების მომსახურებას.

ახალი ვიდეო მეტი ვიდეო

ბიზნესმენების გატაცებისა და ფულის გამოძალვისთვის 4 ახალგაზრდა კაცი დააკავეს (ვიდეო)

კომენტარები