მამა ანდრია სარია

მამა ანდრია: მუქარის აღსრულება დაიწყო მათზე, ვინც წლებია მამათმავლებზე საუბრობს სიმართლეს

0 კომენტარი

შანტაჟის ენა და მუქარის აღსრულება დაიწყო იმ ადამიანებზე, რომლებიც უკვე წლებია ლაპარაკობენ სიმართლეს მამათმავლების, ნარკომანების შესახებ - ასე გამოეხმაურა მამა ანდრია სარია მისთვის მღვდელმოქმედების აკრძალვას. 

მამა ანდრია ამბობს, რომ ქრისტიანის სტატუსს და წოდებას ვერავინ ვერ წამართმევს. მისი თქმით, ეკლესია არ არის კანტორა, ან "რომელიმე კონკრეტული გვარების, თუ შიოლაშვილების, ეს არის ქრისტეს ეკლესია" და ქრისტეს ეკლესიას ვერავინ დაუშლის.

მღვდელმონაზონი ამბობს, რომ იმ ადამიანებს, რომლებიც ცდილობენ ეკლესიაში დაგროვილი პრობლემები მოგვარდეს, ნელ-ნელა იცილებენ. მისივე თქმით, გადაწყვეტილება არაკანონიკურია და ის პატრიარქთან შეხვედრას ითხოვს, რათა გაარკვიოს გადაწყვეტილება ილია მეორემ ერთპიროვნულად მიიღო თუ მის ნაცვლად სხვებმა მიიღეს.

"მინიმუმ, 6-მა მღვდელმთავარმა უნდა განსაჯოს მღვდელი, თუ კონკრეტულად რომელიმე კანონიკურ დარღვევაშია მხილებული. მაგრამ არც დაბარება მომხდარა და რაღაც კანტორაში რომ გადაწყვეტენ, ისე მოხდა - "ეს არის მღვდელი - ეს არ არის მღვდელი" და ქურდულ სამყაროში ქუჩური გარჩევებივით. საეკლესიო სივრცე, ფაქტობრივად მოშლილია"- ამბობს მღვდელმონაზონი. 

საპატრიარქომ დღეს გაავრცელა ილია მეორის მიერ ხელმოწერილი განცხადება, რომლის მიხედვითაც მღვდელმონაზონ ანდრია სარიას მღვდელმოქმედება აეკრძალა.საპატრიარქო მიზეზად მასმედიის საშუალებით გაკეთებულ "შეურაცხმყოფელ განცხადებებსა და დაუსაბუთებელ ბრალდებებს" ასახელებს.

"საქართველოს საპატრიარქოს საეკლესიო დებულებათა და ეთიკის ნორმების დაცვის საბჭოის მიერ (16.12.2019) და ჩვენი ბრძანებით (N205) გაფრთხილების მიუხედავად საქართველოს მართლმადიდებელი ეკლესიის იერარქთა და საქართველოს საპატრიარქოს მიმართ მასმედიის საშუალებით კვლავ გაკეთებული შეურაცხმყოფელი განცხადებებისა და დაუსაბუთებელი ბრალდებების გამო მღვდელმონაზონ ანდრიას (სარია) აეკრძალოს მღვდელმოქმედება და მიეცეს დრო სინანულისთვის. (საფუძველი მოციქულთა 55-ე და მე-2 მსოფლიო საეკლესიო კრების მე-6 კანონების დარღვევა)",-ნათქვამია განცხადებაში. 

მამა ანდრია სარია საპატრიარქოში ეთიკის საბჭოს შეხვედრაზე 12 დეკემბერს დაიბარეს. 

შეგახსენებთ, რომ მამა ანდრია სარია ბოლო დროს საპატრიარქოს გარშემო მიმდინარე პროცესებთან დაკავშირებით ღიად საუბრობდა. იგი მხარს უჭერდა მეუფე პეტრე ცაავას და საპატრიარქოს წარმომადგენლებს აკრიტიკებდა. 

ახალი ვიდეო მეტი ვიდეო

მოპედის ქურდობისთვის თბილისში ერთი პირი დააკავეს (ვიდეო)

კომენტარები