საქართველო-აშშ

"პატრიარქმა აშშ-ის მიმართ მადლიერება გამოხატა" - ილია მეორე კელი დეგნანს შეხვდა

0 კომენტარი

საქართველოს პატრიარქი ილია მეორე მღვდელმთავრებთან და სამღვდელოებასთან ერთად აშშ-ის ახლადდანიშნულ ელჩს, კელი დეგნანს და მის თანმხლებ პირებს შეხვდა,

საპატრიარქოს ცნობით, შეხვედრაზე ისაუბრეს აშშ-სა და საქართველოს შორის არსებულ მეგობრულ ურთიერთობებზე. 

"მისმა უწმინდესობამ ხაზი გაუსვა ოკუპირებული ტერიტორიების მშვიდობიანი გზით დაბრუნების აუცილებლობას და აშშ-ს მიერ საქართველოსთვის გაწეული თანადგომისთვის მადლიერება გამოხატა" - აცხადებს საპატრიარქო.

"პრობლემები ბევრია, მაგრამ იმედი უფრო მეტია" - თქვა ილია მეორემ შეხვედრაზე.

რაც შეეხება კელი დეგნანს, საპატრიარქოს ინფორმაციით, "აშშ-ის საგანგებო და სრულუფლებიანმა ელჩმა მის უწმინდესობას გულთბილი მიღებისთვის მადლობა გადაუხადა და აღნიშნა, რომ აშშ კვლავაც აქტიურად გააგრძელებს საქართველოს მხარდაჭერას".

ახალი ვიდეო მეტი ვიდეო

"აფხაზეთისა და ცხინვალის რეგიონის ოკუპაცია 2008 წელს მოხდა" - მითი აგვისტოს ომზე

კომენტარები