არჩევნები 2020

ვაშაძე: იქნება აქციებიც, მიტინგებიც, მსვლელობებიც, ამ ხელისუფლებას სხვა არაფრის ეშინია

0 კომენტარი
ფოტო: ტაბულა

ლეიბორისტული პარტიის ოფისში ოპოზიციის შეხვედრა იწყება, სადაც სამომავლო გეგმებზე იმსჯელებენ. ოპოზიციური პარტიები საერთო მაჟორიტარებზე შეთანხმდებიან.

"ჩვენ ერთდროულად ორი პროცესი გვჭირდება. ერთია საპროტესტო ტალღა და მეორე - შეთანხმება მაჟორიტარულ ოლქებზე, რომ კონკურენტი არ ჰყავდეს ოპოზიციის საერთო კანდიდატს, ეს თითქმის მიღწეულია თბილისში, ბოლო შტრიხები დარჩა და შემდეგ გადავალთ დანარჩენ მაჟორიტარულ ოლქებზე" - ამბობს ენმ-ის ერთერთი ლიდერი, გრიგოლ ვაშაძე.

კითხვაზე, განსხვავებების გამო მოახერხებს თუ არა ოპოზიცია საერთო კანდიდატებზე შეთანხმებას, ვაშაძე პასუხობს - "აუცილებლად მოვახერხებთ კი არა, თითქმის მოვახერხეთ".

ამასთან, ენმ-ის წევრის თქმით, პარალელურად იქნება აქციები.

"ყველაფერი იქნება - პიკეტირებაც, აქციებიც, მიტინგებიც, მსვლელობებიც, იქნება ყველაფერი, რადგან ამ ხელისუფლებას სხვა არაფრის ეშინია" - თქვა ვაშაძემ.

ოპოზიციამ ხელისუფლებასთან საარჩევნო სისტემაზე მოლაპარაკებები გიგი უგულავას დაპატიმრების გამო შეწყვიტა.

გიგი უგულავას უზენაესმა სასამართლომ დამატებით 3-წლიანი პატიმრობა მიუსაჯა საქმისთვის, რომელზეც სასჯელი მან ერთხელ უკვე მოიხადა - პროკურატურა უგულავას მისი მერობის პერიოდში თბილისის განვითარების ფონდიდან 48 მილიონი ლარის მითვისება-გაფლანგვას ედავება.

ახალი ვიდეო მეტი ვიდეო

"სიყვარულის ფეიერვერკი, ცივილიზაციის უდიდესი მიღწევა" - ივანიშვილის აზრები ქართულ სუფრაზე

კომენტარები