ბათუმის საქალაქო სასამართლომ არასრულწლოვნების მიმართ შრომით ექსპლუატაციაში ბრალდებული დედა და დეიდა დამნაშავედ ცნო. სასამართლომ დაამტკიცა საპროცესო შეთანხმება, რომლის მიხედვითაც ქ.პ-ს და ა.პ-ს 8-8 წლით თავისუფლების აღკვეთა განესაზღვრათ. აქედან, ბავშვების დედა პენიტენციურ დაწესებულებაში ხუთ წელს გაატარებს, სამი წელი - პირობითი სასჯელი იქნება, ხოლო დეიდა - ოთხ წელს მოიხდის ციხეში და ოთხი წელი პირობით პატიმრობად ჩაეთვლება.
"დადასტურდა, რომ ქ.პ-მ და მისმა დამ ა.პ-მ წინასწარი შეთანხმებით ჯგუფურად, სარგებლის მიღებისა და ექსპლუატაციის მიზნით, 2018 წლის ივნისში გადაიბირეს ქ.პ-ს არასრულწლოვანი - 8, 9, 6 და 11 წლის შვილები, რომლებსაც იძულებითი მათხოვრობით 2019 წლის 18 ივლისამდე უწევდნენ შრომით ექსპლუატაციას. ბავშვების მიერ მათხოვრობის შედეგად შეგროვებულ თანხებს დედა და დეიდა სრულად ისაკუთრებდნენ" - აცხადებს პროკურატურა.