აშშ-ს ელჩი საქართველოში, კელი დეგნანი ეროვნულ დემოკრატიული ინსტიტუტის [NDI] პრეზიდენტს, დერეკ მიტჩელს შეხვდა. შეხვედრის მთავარი თემა საქართველოში შემქნილი პოლიტიკური და წინასაარჩევნო გარემო იყო.
როგორც საელჩოს მიერ გავრცელებულ განცხადებაშია ნათქვამია, ეროვნულ დემოკრატიული ინსტიტუტი მიუკერძოებელი ორგანიზაციაა და აშშ-ს მთავრობა ორგანიზაციასთან სიამაყით თანამშრომლობს.
გთავაზობთ საელჩოს განცხადებას უცვლელად:
"ეროვნული დემოკრატიული ინსტიტუტი (NDI) მიუკერძოებელი ორგანიზაციაა, რომელიც მსოფლიოში დემოკრატიულ ინსტიტუტებს უჭერს მხარს. NDI საქართველოში ოც წელზე მეტია რაც მუშაობს.
დღეს ელჩი დეგნანი NDI-ს პრეზიდენტს, დერეკ მიტჩელს შეხვდა საქართველოს პოლიტიკურ და წინასაარჩევნო გარემოზე სასაუბროდ.
აშშ-ის მთავრობა სიამაყით თანამშრომლობს NDI-სთან, რათა ხელი შეუწყოს ისეთი დემოკრატიული ინსტიტუტების შენებასა და გაძლიერებას, რომელიც უპასუხებს ქართველი ხალხის საჭიროებებს."
