ფინანსთა მინისტრი ივანე მაჭავარიანი უარყოფს გავრცელებულ ინფორმაციას, რომ სიგარეტზე ფასი უახლოეს წლებში მოიმატებს.
"არასწორად იყო ინტეპრეტირებული, თითქოს რაღაც ძვირდება და 15 ლარი გახდება, რაც აბსოლუტურად არ შეესაბამება სიმართლეს" - ამბობს მინისტრი.
ივანე მაჭავარიანის თქმით, მთავრობას თამბაქოს მწარმოებლებთან და იმპორტიორებთან "ძალიან მჭიდრო" კომუნიკაცია აქვს.
"ჩვენ მათ გავაცანით ორი წლის გეგმა, 2020-2021 წლების, სადაც აღვუთქვით, რომ აქციზის ზრდა არ მოხდება. 2021 წლის ბოლოს, ასევე, შემდეგ ორწლიან გეგმას გავაცნობთ. რაც შეეხება იმას, 2026 წელს გათანაბრდება თუ არა [საქართველოში სიგარეტის ფასი] ევროკავშირის მოთხოვნებთან, მე მგონია, რომ ჯერჯერობით, ჩვენ გვაქვს სივრცე, ეს ვადა კიდევ გადავწიოთ" - თქვა ფინანსთა მინისტრმა.
