კორონავირუსი

აშშ-ში ახალი კორონავირუსის შედეგად გარდაცვალების პირველი შემთხვევა დაფიქსირდა

0 კომენტარი
ფოტო: Cnn.com

აშშ-ში კორონავირუსის შედეგად გარდაცვალების პირველი შემთხვევა დაფიქსირდა - შემთხვევა ვაშინგტონში მოხდა.

გარდაცვალების შესახებ ინფორმაცია ვაშინგტონის ჯანდაცვის სისტემის წარმომადგენლებმა დაადასტურეს, თუმცა მათ დამატებით დეტალებზე არ უსაუბრიათ.

რამდენიმე წუთის წინ, ამ თემასთან დაკავშირებით პრეს-კონფერენცია გამართა აშშ-ის პრეზიდენტმა, დონალდ ტრამპა.

"ამჟამად, ამერიკის შეერთებულ შტატებში 22 პაციენტი გვყავს, რომლებსაც კორონავირუსი აქვთ. საუბედუროდ, ღამით ერთი ქალი გარდაიცვალა. ის შესანიშნავი ქალი იყო, რომელიც რისკ-ჯგუფში იმყოფებოდა და 50 წელზე მეტის იყოს. ოთხი ადამიანი ძალიან ავად არის, თხუთმეტი ადამიანი სრულად გამოჯანმრთელდა ან გამოჯანმრთელდებიან", - თქვა დონალდ ტრამპმა.

ამ დროისთვის, მსოფლიოს გარშემო, ახალი კოროვანირუსის 89,000-მდე შემთხვევა არის დადასტურებული, აქედან 2,900-მდე ადამიანი გარდაცვლილია, 30,000 ადამიანზე მეტი კი გამოჯანმრთელდა. დაავადებულთა და გარდაცვლილთა უმეტესი ნაწილი ჩინეთზე მოდის.

კორონავირუსის შემთხვევები დადასტურდა 52 ქვეყანაში, მათ შორის საქართველოშიც, სადაც დაავადების სამი შემთხვევა გამოვლინდა.

ახალი ვიდეო მეტი ვიდეო

პოლიციამ სტუმრების ცემისთვის ბარის დაცვის 2 თანამშრომელი დააკავა (ვიდეო)

კომენტარები