სომხეთის პრემიერმინისტრი, ნიკოლ ფაშინიანი და მისი ცოლი, ანა აკოფიანი თვითიზოლაციაში იმყოფებიან.
ამის შესახებ ფაშინიანმა ფეისბუქზე, ვიდეო-მიმართვისას თქვა. ისინი კორონავირუსზე ტესტსაც ჩააბარებენ.
მიზეზად ანა აკოფიანის ბრაზილიაში ვიზიტია, სადაც ის ბრაზილიის პრეზიდენტის ცოლს შეხვდა.
როგორც ფაშინიანმა თქვა, მაშინ, როცა გავრცელდა ინფორმაცია, რომ ჟაირ ბოლსონარუ შესაძლოა Covid-19-ით იყოს ინფიცირებული, ის და მისი ცოლი სევანში თვითიზოლაციაში გადავიდნენ.
"ბრაზილიის პრეზიდენტის აპარატის განცხადების შემდეგ დარწმუნებული ვარ, რომ მისი ტექსტის შედეგები უარყოფითი იქნება. ამასთან, ხვალ დილით მე და ანა ტესტსაც გავიკეთებთ", - განაცხადა მან.
ჟაირ ბოლსონარუმ მისი კორონავირუსით შესაძლო დაინფიცირების შესახებ ინფორმაცია უარყო.
სომხეთში კორონავირუსით ინფიცირების 15 შემთხვევაა დადასტურებული. საქართველომ სომხეთთან, ისევე, როგორც აზერბაიჯანთან მიმოსვლა 10 დღით შეაჩერა.
