ახალი კორონავირუსით გამოწვეული ზიანის შესამცირებლად, საქართველოში ამერიკის საელჩო, USAID Georgia-ს დახმარებით, სწრაფი რეაგირების საგრანტო პროგრამას აცხადებს, სახელწოდებით ACT NOW.
საელჩოს ინფორმაციით, პროგრამა იმ ადგილობრივ ორგანიზაციებს დაეხმარება, რომლებიც:
- მუშაობენ საქართველოში COVID-19-ის გავრცელების შემცირებაზე;
- აუცილებელ დახმარებას უწევენ მაღალი რისკის ქვეშ მყოფ თემებს;
- ხელს უწყობენ სექტორთშორის თანამშრომლობას ქვეყნის საპასუხო ძალისხმევის განსამტკიცებლად;
- მაქსიმალურად ეფექტიანად მოქმედებენ COVID-19-ის კრიზისის სხვა მნიშვნელოვანი ასპექტების საპასუხოდ.
საელჩოს განცხადებით, გრანტების რაოდენობა $500-დან $5 000-მდეა და 3-დან 7 დღის განმავლობაში გაიწერება.
"ამერიკის მთავრობა მხარს უჭერს საქართველოს საზოგადოების ძალისხმევას COVID-19-თან ბრძოლაში,"- წერია განცხადებაში.
საქართველოში ამ დროისთვის ახალი კორონავირუსის 38 დადასტურებული შემთხვევაა, რომელთა შორისაც ერთი გამოჯანმრთელებულია.