საქართველოს ბანკი ახალი კორონავირუსის 20 000 ლაბორატირიულ ტესტს შეიძენს და მათ ჯანდაცვის სამინისტროს გადასცემს.
გარდა ტესტებისა, კომერციული ბანკი სამედიცინო აღჭურვილობებსაც შეიძენს.
"ქვეყნის ყველაზე დიდ გამოწვევასთან, COVID-19-ის გავრცელებასთან ბრძოლაში, კრიტიკულად მნიშვნელოვანია დეფიციტური სამედიცინო აღჭურვილობა, სწორედ ამიტომ, საქართველოს ბანკი საქართველოსთვის შეიძენს:
20 000 ლაბორატორიულ ტესტს
10 სასუნთქ აპარატს
50 000 პირბადეს
60 000 ხელთათმანს
აღჭურვილობა მთლიანად გადაეცემა ჯანდაცვის სამინისტროს ვირუსთან ბრძოლის ეფექტურად გასაგრძელებლად", - წერია ბანკის გაცხადებაში.
საქართველოში ამ დროისათვის კორონავირუსის 81 შემთხვევაა დადასტურებული. აქედან 13 გამოჯანმრთელდა, კარანტინში კი 2505 ადამიანი იმყოფებოდა. ამასთან ერთად, კარანტინშია მოქცეული ორი მუნიციპალიტეტი - მარნეული და ბოლნისი.
მსოფლიოს მასშტაბით კორონავირუსი 550 000-ზე მეტ ადამიანს აქვს დადასტურებული. დაიღუპია 24 900 ადამიანი, გამოჯანმრთელდა - 128 000.
