პირველი საუნივერსიტეტო კლინიკის დირექტორის ლევან რატიანის ინფორმაციით, ამ დროისთვის რეანიმაციულ განყოფილებაში 5 პაციენტი იმყოფება და ერთი მათგანის მდგომარეობა კრიტიკულია.
"პაციენტი გადმოყვანილია სეფსისის საწინააღმდეგო ცენტრიდან. მისი მდგომარეობა ითვლება კრიტიკულად, არი მულტიორგანული უკმარისობა. მართალია, მიმდინარეობს ყველა ღონისძიება, მაგრამ შედეგს რას მივიღებთ, ვერ გეტყვით"- თქვა რატიანმა ტვ პირველის ეთერში და აღნიშნა, რომ 67 წლის პაციენტი დაგვიანებით შეიყვანეს.
ბოლო მონაცემებით, საქართველოში ახალი კორონავირუსის დადასტურებული შემთხვევები 170-მდე გაიზარდა. აქედან გამოჯანრთელდა 36 ადამიანი, გარდაიცვალა 2.
30 მარტს მიღებული გადაწყვეტილებით, ქვეყანაში კარანტინი გამოცხადდა, 21:00 საათიდან 06:00 საათამდე - კომენდანტის საათი.
21 აპრილამდე ქვეყანაში საგანგებო მდგომარეობაა გამოცხადებული. მანამდე, კარანტინის რეჟიმში ორი მუნიციპალიტეტი, მარნეული და ბოლნისი იყო.
