მამუკა მაჩაიძე არის ჯონ ჰოპკინსის უნივერსიტეტის ექიმი, ინფექციონისტი
"პირველი და ყველაზე მთავარი არის თვითიზოლაცია. სხვებს მაქსიმალურად გამოეყავით. თუ გაქვთ თქვენი აბაზანა, ტუალეტი, ძალიან კარგი. თუ არა:
- გამოყავით თქვენი პირსახოცი, რომელსაც სხვა არავინ გამოიყენებს;
- გამოყავით თქვენი ჭურჭელი;
- აბაზანის ყოველი გამოყენების შემდეგ, ის კარგად გაწმინდეთ;
- გაიკეთეთ ნიღაბი - ამით იცავთ არა საკუთარ თავს, არამედ სხვებს. ნიღბის მთავარი ფუნქცია სხვების დაცვაა.
- დალიეთ რაც შეიძლება მეტი სითხე, როგორც აკეთებთ ჩვეულებრივი გაციების დროს - ჩაი, წყალი
- დაისვენეთ - წამოწექით, დაისვენეთ და მიეცით დრო ორგანიზმს მოერიოს ვირუსს.
- არ დალიოთ სიცხის დამწევი 37,2 ტემპერატურაზე. ამან შეიძლება სხვა საყურადღებო სიმპტომები შენიღბოს. თუ სიცხე მაღალია, მაშინ დალიეთ სიცხის დამწევი.
- არ არის მიზანშეწონილი ინჰალაციის გაკეთება ფიზიოლოგიური სხნარით. არ გაიკეთოთ ინჰალაცია სახლში, Covid 19-ის სიმპტომების შემთხვევაში. პოტენციურად ნებისმიერი ასეთი პროცედურა, რომელსაც გაიკეთებდით ჩვეულებრივი გრიპის დროს, არის აეროზოლ-წარმომქმნელი. თუ ვირუსი გაქვთ ცხვირ-ხახაში და ინჰალაციას გაიკეთებთ, ვირუსი ორგანიზმში უფრო გავრცელდება. შეიძლება თქვენ არ დაგაზიანოთ ინჰალაციამ, მაგრამ საფრთხის ქვეშ აგდებთ სხვებს, თქვენ გარშემო მყოფებს. ამიტომ, მე თვითნებურ ინჰალაციას არ გირჩევდით.
ახალი კორონავირუსის სიმპტომებია: სუნთქვის უკმარისობა, მუდმივი ზეწოლა გულ-მკერდზე, რომელიც არ გადის, ტუჩების გალურჯება - ასეთ შემთხვევაში უნდა მიხვიდეთ ექიმთან".
წყარო: მთავარი არხი