საქართველოში კორონავირუსით ინფიცირების 7 ახალი შემთხვევა დადასტურდა - ჯამში, დაფიქსირებულია 195 შემთხვევა. მათგან 39 ადამიანი გამოჯანმრთელდა.
ინფორმაცია stopcov.ge-ზე გამოქვეყნდა.
კარანტინის რეჟიმში 4 735 ადამიანია, სტაციონარში 383.
ქვეყანაში კორონავირუსით 2 ადამიანი გარდაიცვალა.
30 მარტს მიღებული გადაწყვეტილებით, საქართველოში კარანტინი გამოცხადდა, 21:00 საათიდან 06:00 საათამდე - კომენდანტის საათი.
21 აპრილამდე ქვეყანაში საგანგებო მდგომარეობაა გამოცხადებული. მანამდე, კარანტინის რეჟიმში ორი მუნიციპალიტეტი, მარნეული და ბოლნისი იყო.
