კორონავირუსთან ბრძოლაში დიდი ბრიტანეთის და ჩრდილოეთ ირლანდიის გაერთიანებული სამეფოს მხარდასაჭერად, თბილისის ანძა დიდი ბრიტანეთის დროშის ფერებში განათდა.
საქართველოს სჯერა ბრიტანეთის გამარჯვების! ჩვენ ერთად გავიმარჯვებთ! - მერიის ცნობით, ამ მესიჯს საქართველო ბრიტანელ ხალხს უგზავნის.
რამდენიმე დღის წინ, საქართველომ სოლიდარობა იტალიელ, ესპანელ და ამერიკელ ხალხსაც გამოუცხადა და სიმბოლურად თბილისის ანძა ესპანეთის, იტალიისა და აშშ-ის დროშების ფერებში გაანათა.
12 აპრილის მდგომარეობით, დიდ ბრიტანეთში ახალი კოროანვირუსით 84 279 ადამიანი დაინფიცირდა, მათ შორის პრემიერმინისტრი ბორის ჯონსონიც. ინფიცირებულთაგან 10 500-ზე მეტი დაიღუპა.
