ამერიკელი ტელეწამყვანი და კომიკოსი ელენ დეჯენერესი ყოფილმა თანამშრომლებმა გააკრიტიკეს.კორონავირუსის ეპიდემიის გამო დეჯენერესმა შოუ სახლში, ონლაინ რეჟიმში, გადაიტანა. გამომცემლობა Variety-ს ინფორმაციით, პროდიუსერებმა ძველი გუნდის ნაწილი სამსახურიდან დაითხოვეს, ნაწილს კი ხელფასი 60%-ით შეუმცირეს. ზოგიერთი მათგანი გადაცემის შექმნაში 17 წლის განმავლობაში იღებდა მონაწილეობას.
გარდა ამისა, შოუში რამდენიმე ახალი თანამშრომელი დაიქირავეს.
ყოფილი გადამღები ჯგუფის ნაწილი დეჯენერესს აკრიტიკებს. მათი აზრით, შოუს მთავარი მესიჯი - "იყავი უფრო კეთილი", სრულიად ეწინააღმდეგება განვითარებულ მოვლენებს.
თავად ტელეწამყვანს ამ ეტაპზე კომენტარი არ გაუკეთებია.
