კორონავირუსი იტალიაში

იტალიაში COVID-19-ით ერთ დღეში 174 ადამიანი გარდაიცვალა - ყველაზე ნაკლები 10 მარტის შემდეგ

0 კომენტარი
ფოტო: FT

იტალიაში კორონავირუსით ბოლო 24 საათში 174 ადამიანი გარდაიცვალა. ეს ქვეყანაში 1 დღეში გარდაცვლილთა ყველაზე დაბალი მაჩვენებელია 10 მარტის შემდეგ

ერთ დღეში ქვეყანაში COVID-19-ით ინფიცირების 1 389 ახალი შემთხვევა დადასტურდა. შაბათის, 3 მაისის მონაცემებით, იტალიაში ერთ დღეში გარდაცვლილთა რაოდენობა 474 იყო, ინფიცირების დადასტურებული შემთხვევები კი - 1 900.  

იტალიაში, ჯამში, კორონავირუსით ინფიცირების 210 717 შემთხვევაა გამოვლენილი. ვირუსისგან 81 654 პაციენტი გამოჯანმრთელდა, 28 884 ადამიანი კი გარდაიცვალა. გარდაცვალების დადასტურებული რაოდენობით იტალია მხოლოდ აშშ-ს ჩამორჩება. 

მსოფლიოში COVID-19-ის დადასტურებულმა შემთხვევებმა 3 მილიონ 500 ათასს გადააჭარბა. მათგან 1 145 031 ადამიანი გამოჯანმრთელდა, 246 950 კი გარდაიცვალა.

ქვეყანაში 8-კვირიანი შეზღუდვების ეტაპობრივი შემსუბუქება ორშაბათიდან, 4 მაისიდან იგეგმება. ქვეყანაში გაიხსნება პარკები, ქარხნები და სამშენებლო უბნები. ხალხს საშუალება ექნება, ესტუმრონ თავიანთ ნათესავებს, თუმცა შეზღუდული რაოდენობით. იტალია 10 მარტს მთლიანად კარანტინის ზონად გამოცხადდა.

ახალი ვიდეო მეტი ვიდეო

ბიზნესმენების გატაცებისა და ფულის გამოძალვისთვის 4 ახალგაზრდა კაცი დააკავეს (ვიდეო)

კომენტარები