85 წლის ინგლისელი მსახიობი, ჯუდი დენჩი, ბრიტანული ვოგის გარეკანზე დაბეჭდილი ყველაზე ასაკოვანი ადამიანი გახდა.
ოსკაროსანი მსახიობი ივნისის ნომრის გარეკანზე დაიბეჭდა და ვოგის რედაქტორმა, ედვარდ ენინფულმა, ის აღწერა, როგორც "ქვეყნის ერთ-ერთი ყველაზე საყვარელი მოქალაქე".
"ვერ გადმოვცემ როგორ მიხარია ჯუდი დენჩის დანახვა ვოგის გარეკანზე პირველად 85 წლის ასაკში, სცენისა და ეკრანის უდავო დედოფალი", - დაწერა ედვარდ ენინფულმა.
ჯუდი დენჩი განსაკუთრებით ცნობილია როლებისთვის "Shakespeare in Love"-სა და "Skyfall"-ში.
მსახიობი ჟურნალისთვის მარტში გადაიღეს, სანამ დიდ ბრიტანეთში ახალი კორონავირუსის პანდემიის გამო კარანტინი გამოცხადდებოდა.