ზუგდიდის ინფექციურ საავადმყოფოში კორონავირუსი ორ მცირეწლოვანს - 4 და 6 წლის ბავშვებს - დაუდასტურდა.
როგორც ზუგდიდის ინფექციური საავადმყოფოს საზოგადოებასთან ურთიერთობის სამსახურის ხელმძღვანელმა, მალხაზ ბასილაიამ საზოგადოებრივ მაუწყებელთან ინტერვიუში თქვა, ბავშვების ინფიცირების წყარო ე.წ. თეთრიწყაროს კლასტერია. ისინი ანაკლია-განმუხურის საკარანტინო ზონაში იყვნენ მოთავსებული.
მცირეწლოვნები ბოჭორიშვილის კლინიკაში გადაიყვანეს. ზუგდიდის ინფექციური სააავდმყოფოს ექიმი, ლალი დარახველიძე, მთავართან ინტერვიუში ამბობს, რომ ბავვების დედას COVID-19 დადასტურებული არ აქვს, მათი მდგომარეობა კი დამაკმაყოფილებელია.
საქართველოში, ბოლო მონაცემებით, კორონავირუსით ინფიცირების 604 შემთხვევაა დადასტურებული, მათგან 240 ადამიანი გამოჯანმრთელდა, 9 პაციენტი კი გარდაიცვალა.