რამდენიმე საათიანი გადაუღებელი წვიმის შედეგად, ხარაგაულში მდინარე ძირულა ადიდდა და კალაპოტიდან გადმოვიდა. კადრებს ტელეკომპანია მთავარი ავრცელებს.
ნალექმა ჩინური კომპანიის კუთვნილი ტერიტორია დაფარა, სადაც მძიმე ტექნიკაა განთავსებული. კომპანია თბილისი-სენაკის ავტომაგისტრალის სამუშაოებს ახორციელებს.
ხარაგაულის მუნიციპალიტეტის მერი, ნიკოლოზ თოფურიძე მთავართან სატელეფონო საუბრისას ამბობს, რომ ჩინური კომპანიის ტექნიკა არ დაზიანებულა.
მერის ინფორმაციით, ჭარბმა ნალექმა პრობლემები ერთ-ერთი გლეხის სავარგულს შეუქმნა, თუმცა ჩინური კომპანია გლეხს ზარალის ანაზღაურებას დაპირდა. მისივე თქმით, სტიქია საცხოვრებელ სახლებს და სახნავ-სათეს ტერიტორიებს არ შეხებია.
"სავარგული ჰქონდა ერთ გლეხს და იქ დატბორა. ჩინურ კომპანიას მივმართეთ, დაასუფთავა კალაპოტი და დაიწია წყალმა, ასე, რომ საცხოვრებელ ტერიტორიებს არ შეხებია", - ამბობს თოფურიძე.