ინგლისელი მსახიობი, ბეჭდების მბრძანებლებში გოლუმის როლის შემსრულებელი, ენდი სერკისი, პირდაპირ ეთერში ჰობიტს წაიკითხავს.
ინფორმაცია თავად სერკისმა Twitter-ის გვერდზე გამოაქვეყნა.
"მრავალი ჩვენთაგანი თვითიზოლაციას მძიმედ იტანს, ამ რთულ დროს მინდა ჩემთან ერთად უდიდეს ფენტეზი სამყაროში იმოგზაუროთ. 12-საათიანი მარათონი ორ შესანიშნავ საქველმოქმედო ორგანიზაციას დაეხმარება,"- ამბობს ის.
შემოსული თანხა საქველმოქმედო ორგანიზაციებს გადაერიცხება, რომლებიც კორონავირუსით დაზარალებულ მოსახლეობას ეხმარებიან.
ენდი სერკისის მიერ წაკითხული ჰობიტის მოსმენა ამ ბმულზეა შესაძლებელი.