შინაგან საქმეთა სამინისტროს ინფრომაციით, პოლიციელზე თავდასხმისთვის საჩხერეში 1991 წელს დაბადებული ბ.გ. დააკავეს.
უწყების ინფორმაციით, მან 15 მაისს ურთიერთშელაპარაკებისას თანამშრომელს დანით რამდენიმე ჭრილობა მიაყენა და მიიმალა. დაჭრილი სავადმყოფოში გადაიყვანეს, შსს-ს ინფორმაციით, მას გადაუდებელი სამედიცინო დახმარება გაუწიეს, კაცის ჯანმრთელობის მდგომარეობა დამაკმაყოფილებელია და მის სიცოცხლეს საფრთხე არ ემუქრება.
შსს-ს ცნობით, ბ.გ-მ იმავე საღამოს საჩხერის პოლიციის რაიონული სამმართველოს შენობაში პოლიციელს ფიზიკური და სიტყვიერი შეურაცხყოფა მიაყენა.
გამოძიება სისხლის სამართლის კოდექსის 2 მუხლით - 353-ე პრიმა მუხლის 1-ლი ნაწილით და 19-108-ე მუხლით მიმდინარეობს, რაც სამსახურებრივ საქმიანობასთან დაკავშირებით პოლიციელზე თავდასხმასა და განზრახ მკვლელობის მცდელობას გულისხმობს.
