კვენტინ ტარანტინოს თქმით, დევიდ ფინჩერის ფილმი "Social Network" 2010-იანი წლების საუკეთესო ფილმია.
რეჟისორმა ამის შესახებ გამოცემა Premiere-თან ისაუბრა.
"[საუკეთესო ფილმი] უპირობოდ Social Network არის. ის ნომერ პირველია, იმიტომ რომ საუკეთესოა, ეს არის და ეს! ყველა შეჯიბრში იგებს", - თქვა ტარანტინომ.
მისივე თქმით, ფილმის სცენარისტი, აარონ სორკინი, საუკეთესო აქტიური დიალოგების ავტორია.
კვენტინ ტარანტინო იანვარში ამბობდა, რომ ის 2010-იანი წლების მეორე საუკეთესო ფილმად კრისტოფერ ნოლანის "Dunkirk"-ს განიხილავს.
"Social Network" 2010 წლის ოქტომბერში გამოვიდა. ფილმი Facebook-ის დაარსების ისტორიასა და მის გარშემო წარმოქმნილ სასამართლო დავებს შეეხება. სცენარი ბენ მეზრიჩის წიგნის "The Accidental Billionaires"-ის მიხედვით არის დაწერილი.
ფილმს სამი ოქროს გლობუსის ჯილდო, მათ შორის საუკეთესო ფილმის კატეგორია და ასევე, სამი ოსკარის ჯილდო აქვს მიღებული.
