აშშ-ჩინეთი

Reuters: აშშ-მა, შესაძლოა, ჩინეთის არმიასთან კავშირის მქონე კომპანიებში ინვესტირება აკრძალოს

0 კომენტარი
ფოტო: Reuters

გამოცემა Reuters წერს, რომ რესპუბლიკელი კანონმდებლები მუშაობენ კანონპროექტზე, რომელიც ამერიკელებს ჩინეთის სამხედრო ძალებთან კავშირის მქონე თავდაცვის კომპანიებში ინვესტირებას აუკრძალავს.

კანონპროექტი კონგრესში, სავარაუდოდ, მიმდინარე კვირას უნდა წარადგინონ.

კანონი აშშ-ის სახაზინო მდივანს, სტივენ მნუჩინს დაავალდებულებს კონგრესს წარუდგინოს იმ თავდაცვის კომპანიების სია, რომლებსაც ჩინეთი სამხედრო ძალებთან მნიშვნელოვანი კონტაქტები, კავშირები ან მათგან მხარდაჭერა აქვთ.

ამერიკულ კომპანიებს და ამერიკის მოქალაქეებს 6 თვე ექნებათ, რათა ამ ფირებთან კავშირი გაწყვიტონ.

აშშ-მა ჩინეთს უკვე არაერთი სანქცია და ტარიფი დაუწესა. მას შემდეგ, რაც ჩინეთმა ჰონგ-კონგში ახალი კანონების მიღება გადაწყვიტა, რომელიც ქალაქის ავტონომიურ სტატუსს ეჭვქვეშ აყენებს, მოსალოდნელია, რომ კანონპროექტი აშშ-ის კონგრესში მხარდაჭერას მოიპოვებს.

პრეზიდენტმა დონალდ ტრამპმა თქვა, რომ მისი ადმინისტრაცია მუშაობდა იმ გზების პოვნაზე, რაც ამერიკელებს დაეხმარებათ თავიდან აიცილონ ჩინურ კომპანიებში ინვესტირების რისკები.

მან ასევე თქვა, რომ აშშ ჰონგ-კონგის სპეციალურ სტატუსს გაუუქმებს და ოფიციალურ პირებს სანქციებს დაუწესებს.

28 მაისს მედიაში გავრცელდა აინფორმაცია, რომ აშშ ათასობით ჩინელი სტუდენტისთვის ვიზების გაუქმებას გეგმავს. წყაროების თქმით, ეს ნაბიჯი, სავარაუდოდ, 3000-დან 5000-მდე ჩინელ სტუდენტს შეეხება.

ჰონგ-კონგის ახალი კანონების მიღების შემთხვევაში ჩინეთისგან ჰონგ-კონგის სეცესია სისხლის სამართლის დანაშაული იქნება. ასევე, დანაშაული იქნება ჰონგ-კონგის საშინაო საქმეებში ნებისმიერი საგარეო ძალის ჩარევა, ტერორიზმი და ყველა ქმედება, რომელიც ცენტრალური ხელისუფლების დამხობისკენ იქნება მიმართული.

ახალი კანონებით, შესაძლოა, პეკინმა ჰონგ-კონგში კონტინენტური ჩინეთის სადაზვერვო სააგენტოები განათავსოს, რაც ნიშნავს იმას, რომ ჩინელ მაღალჩინოსნებს ჰონგ-კონგში პირდაპირ შეეძლებათ კანონების აღსრულება. ჰონგ-კონგში ეროვნული უსაფრთხოების უზრუნველსაყოფად "საჭიროების შემთხვევაში, ცენტრალური სახალხო მთავრობის შესაბამისი ეროვნული უსაფრთხოების ორგანოები სააგენტოებს დააარსებს".

ახალი ვიდეო მეტი ვიდეო

ნორვეგიის ელჩი: როგორც ქართველი თამადა იტყოდა, გაუმარჯოს საქართველოს ნათელ მომავალს

კომენტარები