საქართველოს ეროვნული ბანკის ცნობით, 2 ივნისის სავალუტო ვაჭრობის შედეგად ლარი დოლართან და ევროსთან მიმართებით კვლავ გამყარდა.
აშშ დოლართან გამყარებამ 4 თეთრი შეადგინა, ხოლო ევროსთან - 2.60 თეთრი.
ამრიგად, ოფიციალური კურსით ერთი აშშ დოლარის ღირებულება 3.0772 ლარი გახდა, ერთი ევროსი კი - 3.4626 ლარი.
ლარი ლირასა და ბრიტანულ ფუნტთანაც გამყარდა.
უკვე მეორე დღეა, რაც ლარი მკვეთრად მყარდება. გუშინ, 1 ივნისს ლარი დოლართან 5.89 თეთრით გამყარდა, ევროსთან კი 7.40 თეთრით.
